إجمالي مرات مشاهدة الصفحة

السبت، 28 يناير، 2012

مكتئبه اوي

مش عارفه مالي ...بس حسه كده اني مضايقه ومخنوقه اوي..
حسه ان جوايا حاجه مكسوره..ومش عارفه هيا ايه؟؟؟؟
حسه بالوحده....
حسه بالملل...
حسه ان الدنيا ضاقت بيا اوي....حسه اني مليش حد....
حسه ان كل ايلي بحبهم حواليا...بس مش حسه بوجودهم..
مش عايزه اتكلم مع حد.... ولما حد بيكلمني بفضل اسمعه
ومبنطقش؟؟؟؟ مش قادره حتي ابتسم....المشكله اني مش عارفه
فيا ايه...؟؟؟؟
اكتر حاجه مضايقاني ومخلياني مش عارفه اخرج من ان ايلي انا فيه؟؟
ان محدش بيساعدني اخرج من حالتي ديه....؟؟؟
يااااااااااااارب ماليش غيرك

الخميس، 26 يناير، 2012

اخيرا خلصت امتحانات

مش مصدقه اني خلصت امتحانااااااااااااات
وحشتوني ...ومدونتي حبيبتي وحشتني....
والله ما مصدقه اني خلصت...اصعب فتره 
بتعدي عليه هيا فتره الامتحانات...ايلي عايز 
يعزبني يقولي عندك امتحان,,,حتي لو مزاكره
كويس جدا؟؟؟لازم برضوا ...اعيط...وانهار..
واحيانا بيغم عليا...وساعات بروح المستشفي..
بس الحمد لله ...الترم عدي علي خير ومن غير
اي خسائر.....الحمد لله.....الحمد لله....حسه 
اني مرتاحه...واكتر حاجه بسطاني اني هنام
من غير ما اعمل المنبه...هصحي براحتي
وهنام براحتي...

الجمعة، 13 يناير، 2012

انا هموووووت من البرد

اول مره اشوف برد كده في حيااااااتي....
والله انا بتجمد وصوابعي اتجمدت ..ومش
عارفه اكتب وانا بزاكر....
والله حرام الواحد يزاكر في البرد ده.....
الجو ده مش عايز غير اللحاف...وكوبايه السحلب..
ولابس الدولاب كله... وبيتفرج علي التليفزيون...وبس كده

السبت، 7 يناير، 2012

stress

حسه اني مخنوقه اوي...ومش عايزه اكلم حد...
ولا حد يكلمني...عايزه افضل ساكته وبس...
المشكله بقي ان محدش بيستحمل حد..وقت لما
يكون مضايق...المطلوب مني اضحك واهزر
وابقي مفرفشه طول الوقت....كده ابقي جميله وعسوله..
لكن لما اتخنق شويه...ابقي نكديه ومؤرفه..