إجمالي مرات مشاهدة الصفحة

السبت، 31 ديسمبر 2011

happy new year

كل سنه وانتوا طيبين...
ويارب تكون سنه سعيده عليما كلنا..ان شاء الله
وتكون ايامنها كلها فرح وسعاده....
وكل ايلي بيتمني حاجه تتحقق باذن الله....
وايلي كان نفسه في حاجه السنه ايلي فاتت ...وملحقش
يعملها ..يعملها بقي السنه دي....
اللهم اني اسالك عاما لاتزوره احزارن ولا افقد فيه احباب...
اللهم اني استةدعك سنه مضت من عمري فاغفرها لي.وبارك في
في ايامي القادمه ...وارني من نفسي خيرا

الأربعاء، 28 ديسمبر 2011

غوري بقي يا 2011

كان نفسي اقولك من زمااان غوري...بس خفت تقلبي
عليا اكتر ما انتي قالبه .... فا بما ان مفضلش فيكي غير
يومين..فبقولك في ستين داهيه....
عداكي العيب وقزح والله يا اختي......
مقصرتيش والله....عملتي ايلي عليكي وزيااااااااااده...
خدتي من ناس كتير بحبهم......من اول يوم فيكي وانتي
غبيه....؟؟؟
حصل فيكي احداث تكفي 5 سنين لقدااام....
منكرش اني اكيد مريت فيكي بأوقات حلوه....بس عايزه
اقولك ان ...مرك غطي علي حلوك....
ويا بخت من زار وخفف...

الخميس، 22 ديسمبر 2011

وعلي رأي المثل

ابعدوا تبقوا عسل... وقربوا تبقوا بصل..
بره الوجوه فرشتلك... ويا مايل ايه يعدلك
يا خاين وعامل من الليل ستاره...بكره يروح الليل... وتظهر الاماره
زي القرع يمد لبره
ايلي علي راسه بطحه يحسس عليها
قال يا فرعون ايه فرعنك ملقتش حد يلمني
زي القطط ياكلوا وينكروا
 اول ما تشطح تنطح


الجمعة، 16 ديسمبر 2011

كبرياء


انا انثي اجبرها الزمان ان تتحداه...
انا انثي علمتها الحياه ان لا تخشاها...
علمتها الحياه القسوه...
علمتها الحياه ان لا تتالم...
ان لا تشعر...
ان لا تشتاق...
ان لا تنساق وراء المشاعر....
انا انثي حطمت قلوب من احبوها...
انثي كسرت كل الحواجز..
وتعدت كل الخطوط الحمراء...
ولكن جبروتها لم يسمح لاحد...
ان يشاركها حياتها....
وان يتقاسمها قلبها

الأربعاء، 14 ديسمبر 2011

انا اسفه

عارفه اني غلطانه في حقك..ومعنديش اي كلام ابرر
بيه لنفسي ...غير اني انا اسفه بجد..اسفه اوووي
اسفه علي كل حاجه...بس صدقني هحترم قرارك
ايا ان كان...ربنا يوفقك

الثلاثاء، 13 ديسمبر 2011

عشق

ما كنت اتخيل من قبل انني سأحب ....لم احسب حساب 
هذه اللحظه..
لم اتخيلها.....
مرت الايام ...وقلبي يتعذب.....اتسائل؟؟؟؟؟
هل هذا حب ام اعجاب؟؟؟؟ فالحب يدوم...والاعجاب مؤقت
تمر الايام....ويزداد يقيني انه حب......
حبي الاول..... والدائم...وهو الاخير....
يوما عن يوم....يزداد شوقي.....عشقي...احساسي بك معي...
يوما عن يوم....ادرك شده ثقتي بك....عدم شكي في انه يوجد
حلم لك عاجز عن تحقيقه....واتعجب من حالي.. ؟؟؟؟
كيف وقعت في حب ...جادي...ناضج...اعمي....؟؟
اتعجب من حالي؟؟؟؟؟
الي هذا المدي اعشق شابا....اود ان اكون معه في السراء والضراء

الاثنين، 12 ديسمبر 2011

متلغبطه

ساعات بحس اني نفسي الزمن يقف بيا وميتحركش..
ببقي عايشه لحظات ..وبتمني متخلصش...بخاف تروح
ومترجعش.....
وساعات بحس اني عايزاه يرجع لورا تاني؟؟؟..
ساعتها في حاجات عملتها..مكونتش هعملها ..وحاجات 
كان نفسي اعملها ومعملتهاش...هعملها....
وساعات بيبقي نفسي يجري بيا الزمن لقدام...ببقي متشوقه
اني اشوف حياتي هتبقي عامله ازاااي؟؟؟؟بس في نفس الوقت
ببقي خايفه...خايفه كل ايلي حلمت بيه ميتحققش....؟؟؟؟
خايفه افوق من احلامي علي وهم......

الأحد، 11 ديسمبر 2011

الامتحااانااااات

النهارده اول يوم في امتحانات العملي...معني كده ان قدامي شهر
ونص بالظبط..واخلص امتحانات...والترم يبقي كده خلاص
خلص؟؟؟؟والله مش مصدقه ان الترم خلاص خلص ... وخلاص 
فاضلي ان شاء الله ترم واحد بس ..واخلص....نياهاهاهاهاهاهاها
فين ايام ما كنت في سنه تالته ورابعه وهموت واتخرج...
والله الكليه دي هتوحشني بكل قرفها..
دعواتكم بقي معايا .....

الأربعاء، 7 ديسمبر 2011

هوا انا نحس ولا فقر

انا كنت زمان بحس اني فقر...لكن انا دلوقتي اتاكدت
اني نحس وفقر وبوومه كمان...اه والله بووومه...
كل ما افكر بس اني اخد خطوه لقدام في حياتي... حاجه
تحصل او حد من قرايبي يموت.. واضطر استني...؟؟؟
مش عارفه والله هفضل مستنيه.. لحد امتي؟؟..ده انا
علي ما اتجوز هكون قضيت علي العيله كلها...اه والله..
يعني السنه ايلي فاتت زي دلوقت قررنا نعمل شبكه..
جدوو ماات... ولسه من يومين..بتكلم انا وماما في كتب
الكتاب.. مفاتش كاام ساعه..ولقيت جدو التاني ماااات...
والله انا خايفه اقول انا هعمل الفرح ..العيله كلها تنتهي..
يبقي انا بقي فقر ولا مش فقر؟؟؟؟؟؟؟

الخميس، 1 ديسمبر 2011

يوم مماتي

علي قد ما بخاف من الموت بس نفسي ربنا يجعل
يومي قبل يوم كل ايلي الناس ايلي بحبهم..مش عارفه
مش متخيله ان حد قريب مني اوي.. وعلي طول معايا
وفجأه يروح..ومش هيرجع تاني...مش قادره اتخيل بجد
..انا اه لما حد من قرايبي او اي حد حتي معرفوش ولا عمري
شفته ماات...بزعل عليه.. وبقعد اقراله الفاتحه كتير ...ادعيله..
الدنيا دي وحشه اوي...النهارده معاك.. وبكره تحت التراب..
صعب اوي...الدنيا دي والله مش مستاهله...مش عارفه لو ربنا
مش مدينا نعمه النسيان ده كان حصل فينا ايه؟؟؟؟؟؟
يارب متحرمنيش من ايلي بحبهم...
ربنا يخليهم ويطول في عمرهم...
يارب اجعل يومي قبل يومهم...عشان مش هتحمل فراقهم..
يااااااارب احفظهم...ياااااارب اهديني

الثلاثاء، 29 نوفمبر 2011

عارف ليه عمر ما بيجيلي قلب اخليك
تنام زعلان؟؟؟؟
عارف ليه حتي لو حصل مشكله بينا... وكنت
انت ايلي غلطان..بعديها ومش بقف عند المشكله
واكبرها؟؟
عشان الواحد مش ضامن هيعيش يوم تاني ولا لأ....
مش ضامنه اني اصحي بكره واصالحك....
الدنيا دي والله مش مستاهله الواحد يضايقه نفسه..
ويضايق ايلي حواليه...
الدنيا دي كلها متسواش نزعل من بعض...
عيش يومك وانبسط كأنه اخر يوم في عمرك...
عشان انت مش ضامن يطلع عليك نهار جديد...
والله لو كل واحد  اتعامل مع التاني علي انه احتمال
ميشوفوش تاني...هيبقي كل ايامنا حلوه وقلوبنا صافيه...
ولو موتنا هنموت مرتاحين...

الاثنين، 28 نوفمبر 2011

الجو برد اوي

حسه اني الجو كئيب اوي من حواليا...
والحو برد اووووي....الشتاء ده ملل..
وكسل و برد وهدوء .. واكتر حاجه بكرهها
في الشتاء ..اني اقوم الصبح بدري  وانا متدفيه
عشان  عندي سكشن..او عشان ازاكر..بجد ببقي
حسه اني بمووت .. وببقي نفسي افضل نايمه
وانفض لكل ايلي ورايا...بس احسن حاجه بحبها
في الشتا.. والدنيا بتمطر... وامشي في وسط المطره
...واروح هدومي غرقانه... بس ببقي مستمتعه اووووي

الأحد، 27 نوفمبر 2011

ده هبل ده ولا ايه

انا نفسي مبقتش فاهمه نفسي... بجد مش فاهمه
هوا انت عاملي عمل... اصل انا عمري ما كنت
كده.... طول عمري قويه ومفتريه ... ومحدش يقدر 
يكلمني نص كلمه متعجبنيش؟؟؟... بجد حسه اني معاك
بتحول وببقي واحده تانيه خالص... مش بكون انا...
مش عارفه بجد.... مهما زعلتني وعملت فيا... بأقل 
كلمه بصالحك وبنسي وقلبي بيصفي ليك...ده حتي في 
وسط ما انا بزعق ومتعصبه... وانت  قمت قايلي انتي
عسوله اوي... لقيت نفسي بضحك زي العبيطه ونسيت
اني كنت بزعق اصلا.. .لالا انا بجد هبله

السبت، 26 نوفمبر 2011

هبطل دلع بقي وهزاكر

خلاص بقي قررت اني هحاول ازاكر...مع ان ماليش
نفس خالص وحسه اني كبرت اصلا علي المزاكره..
بس بقي هبطلع دلع .. عشان اخلص بقي السنه دي
وابقي دكتوووووووره قد الدنيا كلهاااااا...

الخميس، 24 نوفمبر 2011

يااااارب ماليش غيرك

بجد مصدومه فوق ما تتخيل...اصل اكيد انا مش كنت
مخدوعه طول الوقت...يعني انا كنت عاميه يعني و
مبشوفش..انا اصلا مش مصدقه..ان ايلي بيحصل ده
منك انت...ما هو انا مش عارفاك من يومين..
طب هو انا يعني استاهل ده منك...مشكلتي اني بحبك..
اني  حياتي كلها انت...اني عمري ما توقعت حاجه
وحشه منك..اني عمري ما نيمتك زعلان... اني حتي
لما بتضايق مني بيكون مش بقصدي اصلا.....
ماليش غيرك يارب انت العالم بيا وبايلي جوايا

مش عارفه؟؟؟؟؟

مش عارفه اكتب ايه ولا اقول ايه.؟؟؟ بس كل ايلي حسه بيه اني
مخنوقه اوي... ومتضايقه اوي...
هوا انا فعلا  مقدرش اعيش من غيرك؟؟ ولا انا ايلي مجربتش ااصلا
مش عارفه ...مش عارفه انت تستاهل كل حاجه...ولا متستاهلش حاجه اصلا
مش عارفه ان كنت  انا فعلا بحبك ولا انا ايلي اقنعت نفسي اني بحبك؟؟؟
طب انت كمان بتحبني ولا ايه؟؟؟
مش عارفه ...ومش فاهمه... ومش عارفه افكر ولا اقرر ولا اعمل اي حاجه
هوا المشكله اني بحبك..وانت مش مقدر ده...ولا انت ايلي بتحبني وانا ايلي
مش مقدره؟؟؟
ولا المشكله اني بحبك شويه زياده... فاي حاجه بتعملها مش ببقي متوقعاها منك
هوا انا كنت فاكراك طيب ..ولا انتي طيب اصلا...طب انت جبت القسوه دي كلها منين؟؟؟
هوا انا فعلا كنت عايشه في وهم... وانصدمت بالواقع؟؟؟؟

الثلاثاء، 22 نوفمبر 2011

ياااااااااارب

اللهم أنى أستودعت مصر..♥ رجالها و شبابها .♥ نساءها و فتياتها .♥. أطفالها و شيوخها .♥. اللهم أنى أستودعتك ممتلكاتها و مبانيها و منشآتها .♥. اللهم أنى أستودعتك نيلها و اراضيها و خيراتها .♥. اللهم أنى أستودعتك أمنها و أمانها و أرزاق اهلها .♥. اللهم أنى أستودعتك حدودها و بحورها و جنودها .♥. فأحفظهم بحفظك يا من لا تضيع عنده الودائع و أنت خير الحافظين .♥. اللهم احفظ احبابي وأهلي وأصحابي وجيراني اللهم امين يااااااااا رب

ربنا معاكي يا مصر

بجد ايلي بيحيصل ده شئ يستفز اي حد
صعب اوي ايلي بيحصل فيكي وفي
ولادك يا مصر..لا تعليق.

السبت، 19 نوفمبر 2011

هوا ايلي مش عايز يزاكر يعمل ايه...؟؟؟

انا زهقت من ام الكليه دي... وكل ما احاول اجي علي
نفسي واقول يا بنتي لمي نفسك وزاكري...خلاص هانت.
برضوا مش قادره اجي علي نفسي....ورايا ميت حاجه
ومش عارفه ازاكر ولا اي حاجه...انا اتخنقت بجد...
انا كنت داخله الكليه حلوه وزي الفل...هتطلع منها نظري
رايح.. وشعري كلها وقع.. وخسيت ..يالهوووووووي
يارب ارحمني

الخميس، 17 نوفمبر 2011

مجانين

فاكر لما قلتلي نفسي احطلك مونيكير
وجيت تجرب ... كنت بتدهن صباعي
زي ما يكون بتدهن حيطه...مش عارفه
اول ما شوفت الصوره...قعدت اضحك
وافتكرتك... والله احنا الاتنين مجانين
ودماغنا طقه

الثلاثاء، 15 نوفمبر 2011

لو اتسديتي يا دنيا في وشي
مش راح ادير انا عنك وشي
هفضل اواجهك..
وعمري ماهحزن...
اصل مفيش ولا حاجه تستاهل..
اضايق نفسي وتنزل دمعي
ياما حزنت .. وياما زعلت..
وحالك حالك وي ما هوا
يوم معايا ..ويوم عليا..
كفاياكي قسوه يا دنيا علينا..
ليه علي طول دايما كرهانا...
والله مافي حد يستاهل ف الدنيا دي تستاهل
تزعلي نفسك عشانه
ايلي باعك بيعه وارميه و ورا ضهرك ولو رجع تاني متعبروش

الاثنين، 14 نوفمبر 2011

افهمني

مش معني اني بخاف عليك..اني مؤرفه وزنانه
ومش معني اني بقول رأيي ...انك مش عارف مصلحتك
ومش معني اني بغير عليك ... اني مش حلوه
ومش معني اني كل شويه نفسي اسمع صوتك...ان دماغي فاضيه ومورايش حاجه
ومش معني اني محتجاك...اني ضعيفه
ومش معني اني بحبك... اني تعتبرده نقطه ضعفي

الجمعة، 11 نوفمبر 2011

11/11/2011

بما اني ملحقتش اتجوز في 11/11/2011 فادعولي الحق
اتجوز في 12/12/2012عشان انا بقي كده زهقت
وحسه اني بقيت تقيله عليهم في البيت؟؟؟؟؟

الخميس، 10 نوفمبر 2011

ربنا يخليك ليا.. بجد كان يوم حلو اوي ... وانبسطت اوي اوي..
بالرغم  اني مشوفتكش غير ساعتين..بس انبسطت اوي... وبالرغم
من انك كنت لسه معايا من يومين.. بس كنت حسه انك واحشني اوي..
عارف اكتر حاجه فرحتني ايه.... لما نادتلي قدام الناس كلها... اميره؟؟
فبقولك نعم؟؟ قلتلي وحشتيني بصوووووووووت عالي...اتكسفت اوي..
وانبسطت اوي... ربنا يخليك ليا .. وميحرمنيش منك ابدا

الجمعة، 4 نوفمبر 2011

كل سنه وانتوا طيبين

كل سنه وانتوا طيبين .. وربنا يعود علينا الايام دي بخير
وكلنا مبسوطين وفي صحه وسلامه...
كل سنه وانت طيب يا حبيبي ... ربنا يخليك ليه ويخليني ليك..
ربنا يوفقك في حياتك علي طول... ويسعدنا ويهدينا لبعض..
يارب السنه الجايه ان شاء الله نكون في بيتنا...بحبك اوي

الاثنين، 31 أكتوبر 2011

فاكر زماان

حبيبي فاكر زي اليومين دول من 4 سنين...كان حلمنا ان الناس بس
تعرف اننا بنحب بعض...كان اكبر واحلي حلم في حياتي اننا نتخطب؟؟
عارف يوم خطوبتنا ده كان احلي يوم في حياتي... كنت خايفه وقلقانه
اوي وكنت مبسوطه اوي... كنت حسه ان الناس كلها بتبص عليا...وبتحسدني
عليك ...كنت مكسوفه اوي منك....وانت بتلبسني الدبله كانت ايدي بتترعش...
مكنتش مصدقه ان ربنا حققلي حلمي..وبقيت ليك....انا بحبك اوي...
معرفش حبيتك امتي ولا ازااي؟؟ بس فجأه لقيت نفسي بتشدلك؟؟؟
فجاه لقيتك شاغل كل تفكيري... غيرت كل حاجه فيا...غيرت كل حياتي
وتفكيري...خليتني بني أدمه تانيه...كنت دايما عايزني احسن واحده في
الدنيا...دايما بتشجعني ... وبتدفعني لقدام....انا بحمد ربنا عليك... وبدعي
ربنا في كل صلاه يخلينا لبعض .. ويهدينا .. ويحفظنا... نفسي تكون احسن
دكتور ف الدنيا.. وان شاء الله هتكون.. ربنا يخليك ليا وميحرمنيش منك ابدا

الأحد، 30 أكتوبر 2011

دنيا

بيصعب عليا اوي لما نكون صحاب اوي
وزي الاخوات ..وفجاه نبعد اوي عن بعض
عارفه ان في كل مرحله في حياتنا بنقابل ناس
ونحبهم اوي وفجأه يختفوا ويجي ناس تانيه
مكانهم... بس بايدنا نسأل علي بعض حتي لو
كل شهر مره... بس بقعد اسال عنهم ولما الاقي
مش فارق معاهم ولا حتي بيسالوا .. ببعد انا كمان
عارفه ان دي اخر سنه ف الكليه.. ومش هشوفهم
تاني وكل واحده هتتجوز في مكان غير التانيه
وهتنشغل في حياتها...نفسي الناس ايلي جمبي
ومعايا دلوقت... يفضلوا جمبي طول العمر.. نفضل
مع بعض ونسأل علي بعض.. الدنيا دي وحشه اوي
يااااارب متحرمنيش من ايلي بحبهم...

الخميس، 27 أكتوبر 2011

مش عارفه

انا حسه اني متلغبطه كده ومتغيره
حسه اني حزينه
حسه اني لوحدي مع اني مش لوحدي
حسه اني متضايقه ومخنوقه .. بس مش عارفه ليه؟؟؟
حسه اني مشاعري  اتغيرت تجاه ناس كتير
حسه بملل...حسه بخوف
حسه اني من غيرك حياتي ملهاش لزمه...

الأربعاء، 26 أكتوبر 2011

اجمل هديه

امتي بقي يجي اليوم ده....لما اشوفك
بتعلم ابننا ازاي يمشي .. وازاي يصلي
 وتقعد تحفظه قرأن...انت عارف انا
متأكده انك هتكون احلي واجمل واطيب
أب في الدنيا...هتعلم ولادنا كل حاجه حلوه
وهيأخدوا منك كل صفاتك الحلوه...نفسي
اجيب منك قطقوط صغير ..يكون شبهك
في كل حاجه.. نربيه كويس ونعلمه كويس
ونأخده في حضننا .. ونخليه احسن مننا
احنا الاتنين .. يااااااااااارب قرب اليوم
ده...يارب ابعتلي اجمل هديه....

الثلاثاء، 25 أكتوبر 2011

مستغربه اوي نفسي

انا مش عارفه ايه ايلي حصلي فجأه كده
كل تفكيري اتغير كده فجأه...بقيت شايفه
كل حاجه بطريقه تانيه خالص غير ايلي
كنت شايفاها بيها قبل كده.. مش عارفه ده
كويس ولا لأ...انا عارفه كمان انك مستغربني
اوي..بس انا حسه اني مبسوطه كده دلوقتي
بس بعد كده كل ده هيأثر عليا...انا عمري ما
كنت بحب انزل الجامعه غير اني احضر سكاشني
واروح ومكنتش بحب اقعد مع صحابي.دلوقتي بقضي كل
وقتي معاهم عشان اخر سنه بقي ومش هشوفهم تاني.كان كل
اهتماماتي في الدنيا انت؟؟؟ حسه انك ف الفتره
الاخيره بقيت تضايق من حبي الزياده ليك؟؟وبقيت
تضايق مني لما اقلق عليك او تختفي شويه ومتكلمنيش
فحاولت اتغير واعمل نفسي مش قلقانه ومتضايقه
لما تقعد طول النهار مشغول عني..حسيتك متضايق
ان بقي ليا حاجات تانيه شغلاني وان حياتي
مش واقفه عليك...بقيت هاديه ومش بتعصب من حاجات
كانت بتعصبني قبل كده...انا بحاول اخليك متضايقش مني
بس الظاهر اني غلطانه ؟؟؟ طلعت بتحبني بجناني وبعصبيتي
وبكل عيوبي و اتحرق دمك اوي لما طول النهار مسالتش عني
ولقيتني بقولك انا يا حبيبي مش زعلانه عارفه انك طول النهار
مش فاضي ومشغول .. ما انت اكيد لو كنت فاضي هتكلمني؟؟؟
بس والله بحبك

الجمعة، 21 أكتوبر 2011

حب عمري

 يا من ملكت قلبي و عقلي و تفكيري ! أحبك كثيرا .. احبك كما أنت .. احبك بجنونك .. و بتعقلك .. و بكلامك .. و بصمتك .. و بغضبك .. و برضاك .. و برجولتك و كبريائك .....!
اعشق خوفك عليّ .. اعشق غيرتك عليّ .....
كلما تذكرتك .. كلما زاد شوقي اليك ...
و كلما زاد شوقي اليك .. احببتك اكثر و اكثر !!
احيانا اتمني ان تكون بعيدا لأشتاق اليك و تشتاق اليّ و اعرف كم تحبني ؟؟!!
و احيانا اتمني لو انك تشاركني كل لحظة في حياتي
اجلس وحدي كثيراا و اتخيل انني معك .. اشاركك احزانك قبل افراحك .. اشاركك كل لحظة في حياتك .. كم احتاج لك لتضمني ,,,, لأشعر بالأمان .....!
احلم باليوم الذي سيعلم فيه الجميع انك لي و انني لك !! في هذا اليوم ,, لا احد يستطيع ان يأخذك مني ! اتخيل نفسي وقتها ! كم سأكون سعيدة !!!
سأكون لك وحدك .. سأوهب لك حياتي !!
كم اتمني ان اصرخ و اشاور عليك امام الجميع و اقول هذا هو حبيبي .. هذا هو من ملك قلبي

الأحد، 16 أكتوبر 2011

مجروحه اوي منك .. فوق ما تتصور وفوق ما كنت انا اتصور
 يعني ايلي يحب حد كده ..ده يستاهل كده.....
يعني ايلي يهتم بحد الاهتمام ده كله... يكون مقابل ده الاهمال
انا مضايقني اكتر انك مش حاسس انك غلطت في حقي ...
ولا حاسس حتي ان ليا حق ازعل....هوا وانا رخيصه اوي كده
بالنسبه لك... هو انا مستاهلش منك تهتم بيا....
مستاهلش  منك تحس بيا شويه....مستاهلش تحبني
اهو انا الغلط مني يعني... هوا ده جزاتي عشان بحبك شويه زياده
والله العظيم انت بالنسبالي حياتي كلها .. مبقدرش ابعد عنك يوم
مبقدرش اقعد كام ساعه مسمعش صوتك....

الجمعة، 14 أكتوبر 2011

عارف نفسي في ايه؟؟؟؟

نفسي ربنا يهديني ويهديك
نفسي نقرب من ربنا اكتر
نفسي نراعي ربنا في كل تصرفاتنا
نفسي تحبني اوي زي ما بحبك
نفسي نفضل نحب بعض كده علي طول
نفسي تاخد بالك مني اوي
نفسي متخلنيش انام في يوم زعلانه
نفسي تاخدني في حضنك لما اكون محتجاك اوي
نفسي اكون اهم حد في حياتك
نفسي ربنا يخلينا لبعض علي طول
نفسي نتجوز بقي ؟؟؟
نفسي اصلي معاك الفجر
نفسي نقعد نقرأ قرأن سوا



لالالالا انا كده مش طبيعيه

طب والله انا نفسي مستغربه نفسي؟؟؟؟
انا بقرأ قصه لاحسان عبد القدوس يا
جدعااان....انا فعلا شكلي اتغيرت...
بقرأ وكمان عملت مدونه...اي نعم انا 
مش عارفه انا عملاها ليه؟؟؟ بس 
برضوا عملتها وبكتب فيها... انا عارفه 
طبعا ان محدش هيقرا الهبل ايلي بكتبه..
هوا حد فاضي يقرأ هبله لما هيقرا
هبل غيره؟؟؟؟ بس انا والله مبسوطه
بحاول اغير من نفسي...اصل انا عارفاك 
بتحب البنات المثقفه وعارفه انك مستغرب
اني بدأت املا دماغي الفاضيه ديه... و
عارفه كمان انك بتموووت ف البنات 
الثورانجيه...بس لحد كده وكفايه ؟؟ انا حاولت 
اكون ثورانجيه وفشلت فشل زريييع....
انت عارف من كام يوم وانا علي تويتر كانوا
قاعدين يتكلموا في موضوع ويقولوا رأيهم
قلت طب وايه يعني ما اعمل زيهم... قمت كاتبه
كومنت بس مسحته وقعدت اضحك علي نفسي
اصل حسيت نفسي بضحك علي روحي...

الخميس، 13 أكتوبر 2011

البطيخه


جواز ده عامل زي البطيخه؟؟؟ يا تطلع حمرا.. ياتطلع قرعه....او ممكن تطلع حمرا بي دلعه
وملهاش طعم...انت وحظك بقي..بس نعمل ايه
شر لابد منه ..او بالمعني الاصح سنه الحياه
وهوا غالبا بتتطلع قرعه يعني؟؟؟؟ بس الشاطر
بقي ايلي لة بطيخته قرعه يحاول يتأقلم معاها
يعني يدوقها...ما يمكن تكون قرعه بس مسكره..
اصل مفيش حد فينا مفيهوش عيوب..بس الواحد
لازم يحاول يبسط نفسه...اصل احنا يعني مش
هنتعيش ميت مره دي مره واحده...يعني يحاول
يدور علي مميزات ايلي قدامه ..عشان ايلي قدامه
يتغاضي عن عيوبه...يعني مثلا ما انا وخطيبي
كل حاجه فينا مختلفه ..انا عصبيه ومجنونه و
دماغي فاضيه... وهوا عاقل وهادي ودماغه
مش فاضيه؟؟؟بس والله بحسه بيكملني ..او يمكن
عشان بحبه وعايزه اكون مبسوطه معاه ببص
للحاجات الحلوه ايلي فيه

الأربعاء، 12 أكتوبر 2011

الله يخرب بيت الحب وسنينه

والله انا امبارح كنت زعلانه منك اوي
طبعا انت عارف ليه؟؟؟؟؟؟ مش لازم 
اجي اقولك يعني اهتم بيه شويه .....
انا بتقهر اوي والله لما حس ان احنا
بعدنا شويه عن بعض... بخاااف اوي 
عارفه انك بتحبني اوي.. بس ساعات
ببقي محتاجاك اوي.. محتاجه اتكلم معاك
محتاجه حتي لو هقعد ارغي في اي 
كلام فاضي....بس احس ان في حد لما 
اعوزه هلاقيه ..انا اصلا كنت ناويه 
اقعد كام يوم كده ومش اعبرك ولا ارد
عليك... بس طبعا مبقدرش ؟؟ اخري كام
ساعه واول ما اشوف رقمك علي الموبيل
برد بسرعه.. واول ما تقولي وحشتيني 
انسي كل ايلي حصل واقولك وانا كمان

الاثنين، 10 أكتوبر 2011

بحبك اوي

انا مش مصدقه ان هيجي يوم واقول فرحي النهارده.......عارف يعني ايه؟؟؟ يعني هتجوزك...؟؟ يعني هكون ليك لوحدك....يعني بحبك اوي... قد ايه كنت مستنيه اليوم ده.....اليوم ايلي هكون ليه...
عارفه اني هكون خايفه وقلقانه....
بس منكرش اني هكون اسعد واحده في الدنيا....ده انا ياما حلمت باليوم ده....
خلاص هكون معاك وجمبك... هبقي مبسوطه اوي وانا لابسه الفستان الابيض....
وكل الناس بتبصلي وبتحسني عليك...وكل البنات ايلي عنيهم عليك هيموتوا من الغيره...اوعدك اني هكون الزوجه والام ايلي اتمنيتها... واوعدك عمري ما هخيب ظنك..
اوعدك هفضل احبك طول عمري

حرقه دم



انا بجد مضايقه النهارده لا فعلا محرووووق دم
كل واحده اتجوزت زي ما يكون زادت حته ولا
حاجه نازله تحرق دم ايلي حواليها ده ايه القرف 
ده  طب والله انا ايلي انشك في لساني ايه ايلي 
خلاني اقولهم مبروك اصلا كل واحده تقولها 
مبروك تبصلك من فوق لتحت وتقول عقبالك 
وتودي وشها الناحيه التانيه وانا اصلا اكتر
كلمه بكرهها في حياتي هيا كلمه عقبالك
وايلي حرق دمي اكتر واحده اول ما شافتني
مسكت ايدي الشمال وقالتلي انا قلت هاجي الاقي 
الدبله في الايد التانيه  ።።طب واحده زي دي
انا ارد عليها اقوول ايه؟؟؟ اقول انتي مال اهلك