إجمالي مرات مشاهدة الصفحة

الأحد، 27 أكتوبر، 2013

عن


عن ذكرياات كل ما افتكرها اتوجع اووي
عن الموت ..وعن فراقك..
عن ان عمري ما اتوجعت واتقهرت علي حد قريب مني كده
وحسيت بألم فراقه..
عن قلبي ايلي بيتقطع عليكي..
وعن اول مره اصلي صلاه جنازه 
واشوف الميت وهو بيدفن تحت التراب
عن المتاع الزائل ايلي احنا عايشين فيه وان محدش هياخد معاه حاجه !!
عن ان مفيش حد مرتاح وان محدش حياته كامله ومن غير مشاكل
عن القرف والقهر
اللهم استرنا فوق الارض وتحت الارض ويوم العرض عليك

الثلاثاء، 24 سبتمبر، 2013

واتقوا يوما ترجعون فيه الي الله


ربنا يرحمك يا عمتو يااارب..
صعب عليا فراقك اوي..مش قادره
اتخيل ان ممكن اسافر البلد ومشوفكيش...
عارفه انك ف مكان احسن من هنا بكتير..
وراحه لربنا مخلصه كل ذنوبك...
بس ربنا ريحك من المرض...
متخيلتش عمري ان المرحله هتوصل للدرجه دي..
قلت هتقومي وهتفوقي وترجعي تاني..
بس قضاء ربنا..
كل يوم بدعيلك واقرألك قرأن كتير...
ربنا يغفرلك ويجعل مثواكي الجنه 
اميين يااارب العالمين..

السبت، 31 أغسطس، 2013

29/8/2013

ياااااااه يا عبد الصمد...لقد هرمنا من اجل هذه اللحظه !!!

اللهم سخر زوجي لي وسخرني ليه..واجعلني اجمل امرأه ف قلب زوجي واحب امرأه الي قلبه..واجعل زوجي اجمل رجل ف عيني ..واحب رجل الي قلبي

الأربعاء، 14 أغسطس، 2013

يااااارب

مش هترحمنا بقي ...
ولا ناوي تبعد عننا شويه..
مش كفايه كده عليك..
عايز ايه تاني !!
مش قادر تنسانا شويه..
ولا تسيبنا ف حالنا..
حالف تاخد مننا حد كل سنه,,
بس المره دي الحد ده غالي اوي عندي..
انت سبب الحزن ف كل بيت ف مصر..
محدش قادر عليك ولا قادر يهزمك..
مبترحمش حد...
يااارب اشفي كل مريض يااارب
يارب يشفيكي يا عمتو يااارب
يااارب عدي الايام ديه علي خير
واسترها معانا ..
كفايانا حزن بقي 
"السرطاان"

الثلاثاء، 9 يوليو، 2013

رمضان كريم


كل سنه وانتو طيبين ورمضاااان كريم عليكوh
وعليا ..ان شاء الله...
ياااارب اهديني ..واكرمني.....
ووقفلي الخير ف طريقي ...
يارب استرها معايا...
يارب اشفي كل مريض..
يااارب اشفي كل مريض..
ياااارب اشفي كل مريض..
يااارب يخليلي ابويا وامي واخواتي..
يااارب فرح قلب امي..
ياااارب السنه الجايه اقضي رمضان
في بيتي ...
امين ياااارب العالمين

الاثنين، 17 يونيو، 2013

عن


عن اكتر حد ف حياتك بتثق فيه..
عن القسوه ...
عن سواد القلب..
عن قله القيمه...
عن قله الزوق ..
عن الجرح ايلي يكسرك اوي..
عن الوساخه ايلي جوا القلب ..
عن الطيبه ايلي بتستغل بطريقه تقرف..
عن القرف بجد...
عن الرحمه ايلي مبقتش موجوده...
عن الحقد ايلي مالي القلوب..
عن الانانيه ايلي عاميه عيونهم..
عن..
وعن ..
وعن..

الجمعة، 17 مايو، 2013

الانانيه

قمه الانانيه ..انك تظلم ايلي قدامك وتغلط ف حقه
وتيجي عليه ميت مره..واول ما يشتكي..تخترع لنفسك
ميت عذر...بس عشان تموت ضميرك..وتبقي ف نظر 
نفسك المظلوم والمجني عليه..ده ايه القرف ده..
ايه الحال ايلي احنا وصلناله ده..
تجرح...وتظلم..وتكسر..وتقصر...
وف الاخر تاخد بعضك وتمشي من غير كلام..
وترمي كل حاجه ورا ضهرك..
وكأنك برئ ..مظلوم..
في شرع مين ده..
ليه كده؟؟؟
للدرجه دي...كل العشره والحب والذكرياات ..
ترميها ورا ضهرك....
لا وكمان عايش دور ضحيه..
كل معاني الانسانيه خلصت من الوجود..
مبقاش في حاجه ليها قيمه..
كلو رخيص وبيتباع ف ثواني

الخميس، 9 مايو، 2013

الحياه بقي لونها اخضر


هيا لايق عليها اللون الاخضر
لا لون حلو ولا لون وحش
هوا لون غلس شويه..
ومش في اي وقت تحبه..
ايلي يقول عليها بمبي ده يبقي بيستعبط..
ويقول عليها اسود يبقي بيظلمها شويه صغيرين...
انا مش عارفه ايه الهبل ده...
بس هوا الاخضر حلو عليها :(

الجمعة، 26 أبريل، 2013

افرح

فان بعد العسر يسرا ...
ربنا موزع الفرح والحزن علينا بالتساااوي ..
ومحدش بياخد اكتر من نصيبه...
بس ايلي اكتشفته او بمعني اصح ايلي اقتنعت بيه
ف الفتره الاخيره ..
ان كل حاجه ف وقتها حلو...
وان ربنا مختار لنا الوقت الصح عشان يبعتلنا
فيه الحاجات ايلي هتفرحنا من قلبنا بجد ...
الحمد لله 

الاثنين، 11 مارس، 2013

بدايه النهايه


كان اخر يوم لينا مع بعض..
كنا عارفين ده كويس اوي..
بالرغم اننا مكناش قادرين نسيطر
علي نفسنا..ولا عارفين نخبي دموعنا..
بس قررنا ننبسط...
ومنضيعش لحظه ف اليوم ده ..
كانت كل حاجه ف اليوم ده ..
ليها طعم تاااااني....
او بالمعني الأصح..
بطعم الفرااااق !!!
كنت حسه اني دي اول مره ادخل
جواااه اوي..
زي ما يكون متعري قداام مرايا..
كنت شايفه كل حاجه علي حقيقتها..
وقد ايه القرااار ده صح..
وقد ايه الحقيقه بتوجع...
بس ف اليوم ده خدت منه كل ايلي 
انا عايزاااه..
خدت احساسه وقلبه وروحه قبل ما امشي !!!

الأحد، 10 مارس، 2013

رجل المفاجأات

كانت احلي مفاجأه في حياتي ..
لسه فاكره اليوم ده كأني عايشااه دلوقت..
عمري ما حسيت بالاماان كده..
ولا بالخوف كده .!!!
كان رجل المفاجأااات..
حتي اختفاؤه من حياتي كان مفاجأه...
يدخل حياتك بمزاجه..
وبيخرج منها بمزاااجه..
بيحب لدرجه الكره..
اناااني بشكل غريب..
ومبيتخلاااش عن حاجه بتاعته..
غير لما يضمن انها عمرها ما هتكون 
لغيره من بعده..!!!!

الخميس، 7 مارس، 2013

crochet 2






ايه رأيكوا؟؟؟ ..كنت عايزه انزلهم من زمان بس كنت 
مكسله :)
بالمناسنه crochet world دي اسم البيج بتاعتي 
علي الفيس

الأربعاء، 27 فبراير، 2013

دكتور نفساني

عايزه اقولكم علي حاجه..انا بفكر اليومين دول ..
اني اروح لدكتووور ..
نفسااااااااااااااااني ..
استنوا ..استنوا ..انا لسه الحمد لله متجننتش...
يعني بس بفكر قبل الجواز اروحله..عايزه اكون 
شخصيه سويه..مش عايزه اكون الزوجه المصريه
النكديه الاصيله..
مش عارفه ممكن يساعدني ولا لا...
انا عايزه انجح في حياتي ومش عايزه افشل..
مش عايزه اقع ف الاخطاء ايلي ناس كتير بتقع فيها
ومنهم بيتنا..
عايزه امشي حياتي بأسلوب معين ..
طبعا مفيش حاجه بتكون كامله 100% بس علي اقل
احااول..
عايزه اساس حياتي يكون صح.....
مش عارفه ...يا تري ممكن يساعدني ..ولا لا 
انتو ايه رأيكوا؟؟؟؟؟

السبت، 23 فبراير، 2013

عم محمد

لما بشوفك بحس الدنيا لسه بخير..
وان اهم حاجه في دنيتنا ..هي اخرتنا..
عم محمد راجل عنده فوق الستين..
عم محمد..ابنه الكبير توفي بالسرطان..
عشان ملقاش يتعالج...
كنت عارفه ان ابنه تعبان وكنت بنحاول 
نساعده علي قد ما نقدر...
ابنه ماااات ومحدش فينا اخد باله..
مع انه بيجي كل يوم....
بس الابتسامه ايلي علي وشه..
والصبر ايلي بيشع منه..
والدعوات ايلي دايما علي لسانه..
تخليك متخدش بالك من همه..
قد ايه هوا راضي بحاله...
معرفناش غير انه مجاش يوم ..
بسأله؟؟
قال كنت ف اربعين ابني...
قد ايه صابر ومتماسك..وراضي بحاله..
انا مشوفتش في حياتي كده..
عم محمد عامل النظافه..
ربنا يديه طولت العمر

الثلاثاء، 19 فبراير، 2013

وحشتني

حب لدرجه الجنوون ...
او يمكن عشق مالوش حدود..
لهفه ووجع وانت بعييد..
احساس بالوحده.. واليتم..
خنقه غريبه وكل حاجه ابيض واسود..
الالواان اختفت من الصوره..
وحشتني اووي 

السبت، 16 فبراير، 2013

الكرش المصري الاصيل

سماااات الرجل المصري....
الكرش المصري الاصيل...
عشان كده الراجل المصري تقدر تعرفه لو 
بين مليون واحد تركي ولا اجنبي...
ياتكم وكسه يا رجالتنا...
نياهاهاهاهاها
الموضوع ده ف الحقيقه..عاملي ازمه نفسيه!!!!
الشباب كلهم بقوا بكرش..
ولسه ف العشرينات..
امال لما توصل للاربعين هتكونوا عاملين ازااااي..
وفالحين بس لو الست تخنت شويه تفضحوها...
انا الحمد لله معننديش الاوبشن ده...انا رشيقه :)

الأحد، 10 فبراير، 2013

عني وعنك

عن كلام كتير عاوز يتقال ومبيتقالش..
عن صوت مكتوم بينادي عليك..ومبيتسمعش!!!
عن خوف رهيب ساكن قلبي جوااك..
عن عشره عمر
عن ولد وبنت ...
عني وعنك..
عن حياه بره تشبه ناس كتير..لكن ف الحقيقه بتختلف
عن شوق ولهفه وقت اللقا...
عن حلم حلمناه ..ولسه متحققش..
عن حب سنين بتهدده الاوهام...
عن رحله طويله يمكن متكلمش..
عن خوف من مستقبل مالووش ملامح
عن تناقض جوانا ..مخلينا دايما خايفين...

الخميس، 7 فبراير، 2013