إجمالي مرات مشاهدة الصفحة

الاثنين، 6 فبراير 2012

وااااااواااااا

اهئ اهئ اهئ اهئ...قلت اخرج وافك عن نفسي شويه
وسيبني بقه من الاكتتئاب...دي الاجازه هتخلص وانا
قاعده في البيت...لسه نازله ومبقاليش نص ساعه...
يقوم ايه يحصلي بقي.....؟؟؟؟؟؟دوست علي خشبه
ومخدتش بالي ان طالع منها مسمار....مسمار اخترق 
الجزمه ودخل في رجلي...انا معيطتش ولا صوتت
ولا عملت اي حاجه...شديته ورجلي اقعدت تخر دم 
كتيييييير...وبابا صمم اني لازم اخد حقنه تيتانوس..
كل ما اروح صيدليه محدش فاهم حاجه ولا عارف 
حاجه ولا حتي عارف يعملي اختبار حساسيه من
الحقنه الاول...قمت راحه علي المستشفي وخدت 
حقنتين..اهئ اهئ اهئ اهئ...يعني يوم ما اخرج اروح
ازور المستشفي واخد حقنه وارجع رجلي متعوره...؟؟
المشكله بقي اني مكنتش حسه بأي وجع خالص ساعتها...
لكن دلوقتي رجلي  وارمه وبتوجعني وماشيه بعرج....
ااااااااه يا رجلي....
جت الحزينه تفرح ملقتلهاش مطرح....المهم بقي انا طلعت بايه من ايلي حصل ده....؟؟؟
اني فعلا اكتشفت واتأكدت ان الصيادله دول اغبيه ...
ومبيفهموش حاجه...واحمد كان عنده حق لما قالي 
ان كليتي ده ملهالش اي لزمه واني هطلع بياعه في 
الاخر....مع احترامي لكل الصيادله...بس فعلا هما
فعلا بياعييييييييين وبس...

هناك 14 تعليقًا:

  1. ألف لا بأس عليكي يا ميرا

    نعملك ايه بس مش تحاسبي

    طيب على كدا شلتي الخشبة على جنب ولا سبتيها تعور حد تاني!!

    ربنا يشفيكي يا رب ويجعله في ميزان حسناتك

    مش كل الصيادلة ميح يا أمورة

    غير ان مش كل الصيدليات بيقف فيها صيادلة من الأساس

    ميتعور الا الشاطر وابقي اخرجي كتير علشان متحسيش ان الخروجات مستقصداكي ^_^

    ردحذف
    الردود
    1. ربنا يخليكي يا قمر...اه شلتها علي جمب...اصلها وجعتني اووووووي...ان شاء الله يومين كده واحاول انزل

      حذف
  2. يا عينى :(

    أتعورتى وفى مسمار كمان :(

    أنا لو مكانك كان زمانى فرجت الشارع كله عليا اصلا وأغمى عليا بعدها هههههههههههه

    ألف سلامة عليكى يا رب تخفى بسرعة أن شاء الله :)

    هتطلعى صيدلانية شاطرة مش بياعة بس اصلا ;)

    ردحذف
    الردود
    1. هههههههه لا انا معيطتش ولا عملت اي حاجه ....شيلت المسمار من رجلي وروحت علي المسشتفي...بس وجعتني اوي بالليل

      حذف
  3. ألف سلامة عليكي ياميرو, بس في صيادلة شاطرين علي فكرة وإن شاء الله تكوني واحدة منهم وربنا يقومك بألف سلامة يارب

    ردحذف
    الردود
    1. الله يخليكي يا نيللي ...هوا بصراحه فيه بس قليلين اوي...يالا الحمد لله

      حذف
  4. معلش ربنا يشفيك يارب

    وموضوع البياعة ده برضه معلش بس للاسف عندك حق


    دمت بخير

    ردحذف
    الردود
    1. شكرا اوي ليكي....
      والله انا طول عمري بدافع عن الصيادله بس زعلانه منهم

      حذف
  5. الف سلامة ليكي

    مسمار معندوش دم بصحيحي

    اديكي خدتي درس في التيتانوس

    علشان لما تتخرجي وتبقي دكتورة بأذن الله

    تسعفي مصاب مر بنفس الحالة

    الف الف سلامة ليكي

    ردحذف
    الردود
    1. ااااااااااه متفكرنيش ده مسمار وحش اوي...ودخل في رجلي جامد اوي ...يالا الحمد لله...بس علي رايك اهو تغير اخدت تيتانوس وعرفت بيدوها ازاااي

      حذف
  6. أجر وعافية إن شاء الله .. لا باس عليكي ..
    والمرة المقبلة خلي الإجازة في البيت لاحسن تتعوري تاني ..
    مع التحية

    ردحذف
  7. الف الف سلامه ليكي
    معلش كلنا لها
    هي هتوحعك شوية كدا بس ان شاء الله يومين ويعدو
    والحمد لله انك اخدتي الحقن
    اما بالنسيه لحكاية الصيادلة دي
    فانتي ادري
    تحياتي

    ردحذف
  8. ربنا يخليك...
    انا الحمد لله بقيت احسن بكتير...شكرا ليك

    ردحذف