إجمالي مرات مشاهدة الصفحة

الخميس، 22 مارس، 2012

متلغبطه

الفتره دي فتره غريبه...وايام عجيبه...
انا نفسي مش عارفه حسه بايه؟؟؟
ومش عارفه انا عايزه ايه؟؟
حسه اني متلغبطه.....وعايزه اعمل مليون حاجه..
في وقت مينفعش اعمل اي حاجه...غير اني ازاااكر؟؟؟؟
انا مخي بدأ يشتغل....؟؟؟ اه والله بجد بدأ يشتغل....
كان واقف بقاله كتير...حسه انه فاتني حاجات كتير معملتهاش
وجايه افتكر نفسي علي اخر شهر في الكليه...؟؟
وبرضوا حسه ان فيه حاجات كتير مستنياني اعملها...؟؟؟
مش عايزه حياتي تقف علي اني اعلق الشهاده في المطبخ....؟؟
عااايزه اعمل حاجات كتير اووي...
وحسه اني من كتر الحاجات ايلي نفسي اعملها ...مش هعمل اي حاجه؟؟؟
نفسي بعد عشر سنين...اكون حققت ايلي نفسي فيه....
واكون فعلا اميره ايلي انا عايزاها....
نفسي اكون حاجه كويسه...نفسي اكون ساعتها لسه بحلم...وبحاول
احقق احلامي....
انا خايفه اووي ...خايفه مكونش اي حاجه؟؟؟
خايفه معملش حاجه؟؟؟

هناك 16 تعليقًا:

  1. عارفة..
    مش لوحدك اللي بتحسي بده..
    كلنا عندنا قلق من بكره..
    كلنا عندنا طموح وخايفين يتكسر لاي سبب..

    بس جربي تسمعي ماجدة الرومي وهي بتقول:

    "لسه الطيور بتحنّ..
    والنحلاية بتطنّ..
    والطفل ضحكه يرنّ..
    مع إن.. مش كل البشر.. فرحانين"

    ردحذف
    الردود
    1. اوك هسمعها....اعرف احسن حاجه...ان كل حاجه بحس بيها ...عندك ليها اغنيه...شكرا ليك

      حذف
  2. علينا ان نسعى..
    والتوفيق من عند الله..

    صباحك مشرق :)

    ردحذف
  3. اولا ازيك يا اميرة
    يارب تكوني بخير وكويسه
    معلش انا اسف للغيبة الطويله دي
    المهم
    اهم حاجه في كل اللي قولتيه انك تخططي كويس لكل حاجه بعقلك مش بقلبك
    وتشوفي امكانياتك وتحلمي علي قدها
    ساعتها هتعملي اللي نفسك فيه
    وان شاء الله هتحققي كل اللي بتحلمي بيه

    ردحذف
    الردود
    1. انا الحمد لله كويسه وبخير...المهم انت تكون غيبتك دي وراها خير...
      عارف انا بخطط كل حاجه طبعا بعقلي...انا قلبي نسياه خالص في حياتي العمليه ..بس برضوا خايفه...مش عارفه ليه

      حذف
  4. ازيك يا اميره
    اهم حاجه يا اميره انك تخططي
    لاحلامك وتبدأي في اولي خطواتها
    بس عايزه اعرف ليه الشهاده تتحط في المطبخ
    ما الحمام موجود مش حايقول لأ ... اه يمكن علشان بخار الميه ممكن ماتبانشي
    طيب نتكلم في المهم بقي اولا ذاكري يا اميره وبلاش احلام دلوقتي
    وخلصي المذاكره الاول وانجحي وانا متأكده انك ان شاء الله حاتنجحي
    وبعدين الاحلام كلها حاتتحقق ان شاء الله

    ردحذف
    الردود
    1. ههههههههههه....تتعلق ف المطبخ دي كنايه عن اني اأنتخ واقعد في البيت...ادعيلي ربنا يوفقني واركز ف المزاكره واخلص بقي

      حذف
  5. تحقيق الاحلام يحتاج لترتيب اوقاتنا واولوياتنا
    وغالبا اوقات المذاكرة بتكون حالة استنفار للعقل وبيكون فى نشاط غريب عشان كده بنفتكر كل اللى ممكن يتعمل

    ركزى على الاهم دلوقتى وان شاء الله بعد كده كله جاى مع الوقت

    ربنا يوفقك

    ردحذف
    الردود
    1. يمكن يكون عندك حق...بس يمكن عشان خايفه من ايلي الحياه العمليه وخايفه من ايلي جاي فعايزه اعمل حساب كل حاجه

      حذف
  6. خيرا ان شاء الله

    كل انسان عندو احلام يتمنى ان تكون واقع يعيش فية ويعيش بة وعشان نقدر نحقق الاحلام الشرعية اللى احنا بتمناها يجب تحديد الاحلام حسب اهميتها وقدرتنا على السعى وراء انجازها

    ربنا يوفقك ويكرمك

    وتحققى كل ما تتمنى
    مع خالص تحياتى

    ردحذف
    الردود
    1. ربنا يخليك ويكرمك...هيا المشكله خايفه حماستي في تحقيقها بعد كده متكونش زي دلوقت..ربنا يستر بقي

      حذف
  7. أحنا محتاجين قاعدة كبيرة نتكلم فيها عن الموضوع ده :)

    أبقى حطى مقابلتنا فى قايمة جدول الأعمال ;)

    ردحذف
    الردود
    1. هههههههه جدول الاعمال كله تحت امر سيادتك...فعلا محتاجين قاعده

      حذف
  8. من توكل علي الله فهو حسبه
    ربنا ينجحك وينولك كل في بالك

    ردحذف
  9. ربنا يخليكي نورتيني

    ردحذف