إجمالي مرات مشاهدة الصفحة

السبت، 21 أبريل، 2012

عن الرجاله احدثكم

طبعا بعد البوست ايلي فات اصدقائي المدونين الرجاله..غالبا مش هينوروني تاني ...
عشان انا قررت اعمل حمله ضد الرجاله؟؟؟؟ نياهاهاهاهاها
عشان انا شايله منكم وكل ستات مصر شايله منكم....!!!!!
ده انا كل ما اقابل واحده متجوزه...تقولي  يا اختي انتي متسربعه علي ايه..
بلا جواز لا هم..ده الرجاله كلهم زي بعض....
اقوم انا ارد بكل ثقه واقولها لو الرجاله كلهم زي بعض...فانا مش هكون زي اي ست؟؟؟؟؟
تقوم بصالي بقرف...وتقولي بكره نشوف...وتمشي وتسيني...؟؟؟؟
انا بصراحه بقول ماهي المبسوطه ..اكيد مش هتقول انها مبسوطه..عشان متتحسدش..
اصل برضوا معظم البنات عندهم حتت اللؤم دي!!!!!
يا رجاله مصر الاعزاء.......
انتوا عارفين لو تبطلوا قله زوق شويه...ويبقي عندكم شويه رحمه..والله هتكونوا زي العسل...!!!
لكن انتوا اصلا عاملين زي القرع تمد لبره....
بتحبوا تبصوا بره ولايلي في ايد غيركوا......
والله حتي لو مراتك زي القمر.....برضوا هتناديها وانت بتتفرج علي التليفزيون..
وتقولها شوفتي الستات....
ربنا يصبرنا عليكوااااا....

هناك 10 تعليقات:

  1. ههههههههههههههه

    هو انتى تقدرى تسألى عن سبب ان ربنا خلق الانثى شعرها طويل و صوتها ناعم
    متتبسكيش قوى المواصفات دى فى مرحلة صيد الفريسة الا هو الرجل اى قبل الزواج
    طبعا بعد الزواج بتقلب على القصرى و زينات صدقى و زوزو شكيب
    طبعا الرجل معذور ان يبص لان ربنا خلقنا بجينات عين الرجالة زايغة
    و ايليا ابو ماضى قال ايه
    ايوة شطورة
    ان عشقنا فعذرنا ان فى عيننا نظر
    شفتى ازاى احنا مظلومين و معذورين

    تحياتى

    ردحذف
    الردود
    1. هوا طبعا ساعات بتكونوا معزورين...بس ده مينكرش انكوا مفتريين.....ههههههههه

      حذف
  2. استاذه اميره على
    مش هقول تعليق اكثر مما قاله اساتذة علماء النفس
    ( اللى عنده حاجه جوه ميدورشى عليها بره ) هذه القاعده تشمل كل شئ فى تعامل الرجل مع زوجته وتعامل الزوجه برجلها ولا نطلم بعدها الرجل ولانظلم قبلها الزوجه

    ردحذف
    الردود
    1. والله يا استاذ فاروق في رجاله عينهم زايغه ...ومهما كان بيبصوا بره

      حذف
  3. بصي يااميرة يابنتي

    ههههههههههه انتي تشيلي الرجالة من دماغك خالص

    انتي لسة صغيرة وبعقلك

    هههه تحيتي

    ردحذف
    الردود
    1. هههههههههههه مانتوا خليتوني من غير عقل خالص

      حذف
  4. ااااااااه والله جدعه يا اميره بتجيبي من الاخر وبتقولي اللي ف قلبي هههههههه تحياتي ليكي بجد واستمري بقي
    ولا تقلقي هنزورك احنا يا ستي بس انت كملي

    ردحذف
    الردود
    1. هههههههه والله انتي منوراني...استنوا شويه بس وانا اجيبلكوا حقكوا هههههه

      حذف
  5. كل دا على الرجالة يانهار زي بعضو

    عمالنالكم ايه :) اهو قاعدين وشاطرين

    انتي طبعا بتتكلمي عن رجالة مصر بصي انا اقولك حاجة

    اقدع واطيب ناس قابلتهم في حياتي وارجل رجال هم رجال مصر

    مش مدافعة واللهي ولا رياء بس بجد باقولك

    حتى عندنا في السعودية اطيب ناس انا بحب اتعامل معاهم

    من مصر وفيهم اخوة عجيبة وحب للدين والنخوة

    لذلك حتى في النت باحبهم يكونو اصحابي واخواني

    واللهي انتو بنات مصر مدلعين شوية في حد يلاقي زي

    شباب مصر وجمالهم وطيبتهم وثقافتهم دول يتحطو على الجرح

    يطيب واذا كنا احنا واحنا رجالة من العرب بنشوفهم اطيب

    اخوان واصحاب اومال دول لو اتزوجوكم حايعملو ايه

    عارف انه الموضوع هزار ومزح بس بجد

    وكلمة حق ..الرجل المصري بيمثل افضل رجال العرب

    وبنفتخر جداً فيهم

    دمتم بكل ود

    ردحذف
    الردود
    1. ههههههههههههههههه....هوا طبعا معظم الكلام هزار...بس ده مينكرش انهم فيهم بعض العيوب التي لاتغف...نياهاهاها...بس بجد بقي انت نورت مدونتي ...والله انتوا ايلي اجدع ناس

      حذف