إجمالي مرات مشاهدة الصفحة

الأربعاء، 27 فبراير، 2013

دكتور نفساني

عايزه اقولكم علي حاجه..انا بفكر اليومين دول ..
اني اروح لدكتووور ..
نفسااااااااااااااااني ..
استنوا ..استنوا ..انا لسه الحمد لله متجننتش...
يعني بس بفكر قبل الجواز اروحله..عايزه اكون 
شخصيه سويه..مش عايزه اكون الزوجه المصريه
النكديه الاصيله..
مش عارفه ممكن يساعدني ولا لا...
انا عايزه انجح في حياتي ومش عايزه افشل..
مش عايزه اقع ف الاخطاء ايلي ناس كتير بتقع فيها
ومنهم بيتنا..
عايزه امشي حياتي بأسلوب معين ..
طبعا مفيش حاجه بتكون كامله 100% بس علي اقل
احااول..
عايزه اساس حياتي يكون صح.....
مش عارفه ...يا تري ممكن يساعدني ..ولا لا 
انتو ايه رأيكوا؟؟؟؟؟

هناك 16 تعليقًا:

  1. أعتقد الموضوع أبسط من انك تروحى لدكتور نفسانى :)
    انتى ممكن تقرأى عن الموضوع كله ومشاكله وحلوله
    أو تحضرى ندوة مثلاً عن الحياة الزوجية المثالية
    أو حتى تدورى على النت على فيديوهات متخصصة بتتكلم عن الموضوع ده
    وياريت لو زوج المستقبل يشاركك فى البحث و الإطلاع لضمان حياة زوجية سعيدة بإذن الله

    ملحوظة هامة : لو انتوا الاتنين ناويين تسعدوا بعض فعلا فحياتكم هتبقى وردى بإذن الله :)

    ردحذف
    الردود
    1. غير النيه ان احنا عايزين حياتنا سعيده...ساعات الظروف بتغيير حاجات كتيره..

      حذف
  2. بصي يا مرمر الانسان طول ماهو شريك أو طرف من أطراف الحياة فلازم يعرف ان الطرفين لهم دور في استمرارية وسعادة الحياة

    بمعنا.. ان لازم احنا الاتنين نبقى هدفنا ان حياتنا تبقى سعيدة وأي خلاف نعرف اني متضايقة من التصرف مش من صاحب التصرف ولازم طبعا يبقى فيه حدود للاحترام بين الطرفين ودي بتحافظ على حاجات كتير قوي بمعنى ان مش معنى اننا نبقى زوجين اننا نهزر بالشتايم أو بمد الإيد لأن وقت الهزار هو اللي بيحدد بعد كدا اسلوب الجد والغضب وكل ما كان الهزار متمادى فيه كل ما كان الغضب متمادى فيه كذلك

    وحاجة كمان ان أي خلاف طالما مش جوهري يبقى مش لازم نقف عنده
    أما لو خلاف جوهري يبقى نرجعه للدين ورأي الدين هو اللي يحكم ايه الصح او مين كلامه يمشي

    حاجة تالتة ........ نسيتها >_< :D

    لو افتكرتها هبقى ارجع اقولك ^_^

    المهم يعني يا رب يفرحنا بيكي قريب بقى

    اه افتكرتها وهي اهم حاجة ان الخلافات طول ماهي بين طرفي الخلاف فالموضوع قابل للحل والنسيان أما بمجرد ما بتطلع برة الموضوع بيكبر وتأكدي انك في يوم لو زعلتي مع زوجك هييجي يوم تاني وتبقي سعيدة معاه ودا بعكس علاقة مثلا والدتك مع زوجك او اختك معاه بمعنى ان والدتك او اختك لو كل شوية شايفينك زعلانة وهو السبب اكيد مرة في مرة حتى لو محكتيلهمش هم هيبقوا مخنوقين منه جدا حتى لو قلتي بعدها انك سعيدة هم برضه مش هيعرفو يبقوا كويسين معاه وبالتالي اي خلاف لا تحكيه ولا حتى تحسسي بيه حد طالما الخلاف غير جوهري او غير مصيري او يمكن ان تستكملي حياتك في وجوده

    ردحذف
    الردود
    1. انا الحمد لله من اول يوم ف الخطوبه ومفيش اي مشكله بتطلع لاي حد ف البيت..ولا اخواتي ولا ماما واحمد نفس النظام..ودي احسن حاجه الحمد لله احنا قررناها من اول يوم لينا مع بعض..

      حذف
    2. ربنا يباركلكم يا مرمر ويجمعكم عالخير دائمًا

      حذف
    3. اميين يارب العالمين

      حذف
  3. اميرة على
    انت طبيبة نفسك
    والنفس قادرة عما يعجز عنه الطبيب
    اجلسى معها حاوريها وسوف تكشف الكثير عما داخل عقلها الباطن وبعدك عنها هو سبب ماانت فيه

    ردحذف
    الردود
    1. شكرا ليك..هو ده ايلي بحاول اعمله الفتره ديه..بس خايفه

      حذف
  4. انا مع موناليزا فى اللى قالته
    لان اغلب الدكاترة هيدوكى دوا مش اكتر

    فيه دورات تنمية بشرية جميلة وفيه كتب وفيديوهات على النت

    والاهم انك تعرفى واجباتك وتحاولى تنفذيها قبل ما تفكرى فى حقوقك

    كونى له امة يكن لك عبدا


    دمت بخير

    ردحذف
  5. انتي زي الفل والله
    كل دي حاجات عاديه
    وزي ما قال بابا انتي طبيبه نفسك
    مساءك فل حبيبتي
    تحياتي

    ردحذف
    الردود
    1. شكرا ليكي..دايما منوراني :)

      حذف
  6. انا شايف توفري الفلوس بتاعت الدكتور ويبقى ياخدها يتعالج هو
    المراه المصريه كنز لا يفنى او ينضب او يتغير هههههه
    ربنا يوفقك في حياتك ان شاء الله
    تحياتي

    ردحذف
    الردود
    1. هههههههههههههههههههه ايه ده الرجاله بيقولو كده علي نفسهم ...اعتراااااااااااااف :)

      حذف
  7. هذا الموضوع ليس بسيطا
    لان مفيش بيت مصرى يخلو من المشاكل والخناقات والصوت العالى .. الا من رحم ربى
    ..

    اولا:التعرف على الذات.. مميزات,, عيوب.. قدرات ,, مهارات
    ثانيا: اختيار شريك الحياه المناسب ,متدين,ذو خلق . مع معرفه ردود افعاله .عيوبه. واقصى حد لغضبه ,, وكيفية تحليله للمشاكل ,,وتقديمه لحلول واقعيه... وهل يستطيع ان يمتص غضبك !!؟؟
    ثالثيا : البيئه المؤثره فى حياته سواء الأسرة ,الدراسه , العمل ,الأصدقاء , محل الإقامه.

    ممكن نتجنب مشاكل كتير توقعناها مسبقا

    بتمنالك النوفيق

    ردحذف
    الردود
    1. اكيد كل بيت فيه مشاكل,,الفكره ان الواحد ميقعش ف المشاكل ايلي حوالينا فيها ونحاول علي قد ما نقدر نحاوول نتجنب حاجات كتيره بتجيب مشاكل ونقدر نتعامل مع الوضع

      حذف