افرح

فان بعد العسر يسرا ...

ربنا موزع الفرح والحزن علينا بالتساااوي ..

ومحدش بياخد اكتر من نصيبه...

بس ايلي اكتشفته او بمعني اصح ايلي اقتنعت بيه

ف الفتره الاخيره ..

ان كل حاجه ف وقتها حلو...

وان ربنا مختار لنا الوقت الصح عشان يبعتلنا

فيه الحاجات ايلي هتفرحنا من قلبنا بجد ...

الحمد لله 

الحمد لله

بدايه النهايه

كان اخر يوم لينا مع بعض..

كنا عارفين ده كويس اوي..

بالرغم اننا مكناش قادرين نسيطر

علي نفسنا..ولا عارفين نخبي دموعنا..

بس قررنا ننبسط...

ومنضيعش لحظه ف اليوم ده ..

كانت كل حاجه ف اليوم ده ..

ليها طعم تاااااني....

او بالمعني الأصح..

بطعم الفرااااق !!!

كنت حسه اني دي اول مره ادخل

جواااه اوي..

زي ما يكون متعري قداام مرايا..

كنت شايفه كل حاجه علي حقيقتها..

وقد ايه القرااار ده صح..

وقد ايه الحقيقه بتوجع...

بس ف اليوم ده خدت منه كل ايلي 

انا عايزاااه..

خدت احساسه وقلبه وروحه قبل ما امشي !!!

رجل المفاجأات

كانت احلي مفاجأه في حياتي ..
لسه فاكره اليوم ده كأني عايشااه دلوقت..
عمري ما حسيت بالاماان كده..
ولا بالخوف كده .!!!
كان رجل المفاجأااات..
حتي اختفاؤه من حياتي كان مفاجأه...
يدخل حياتك بمزاجه..
وبيخرج منها بمزاااجه..
بيحب لدرجه الكره..
اناااني بشكل غريب..
ومبيتخلاااش عن حاجه بتاعته..
غير لما يضمن انها عمرها ما هتكون 
لغيره من بعده..!!!!

crochet 2

ايه رأيكوا؟؟؟ ..كنت عايزه انزلهم من زمان بس كنت 

مكسله :)

بالمناسنه crochet world دي اسم البيج بتاعتي 

علي الفيس

دكتور نفساني

عايزه اقولكم علي حاجه..انا بفكر اليومين دول ..

اني اروح لدكتووور ..

نفسااااااااااااااااني ..

استنوا ..استنوا ..انا لسه الحمد لله متجننتش...

يعني بس بفكر قبل الجواز اروحله..عايزه اكون 

شخصيه سويه..مش عايزه اكون الزوجه المصريه

النكديه الاصيله..

مش عارفه ممكن يساعدني ولا لا...

انا عايزه انجح في حياتي ومش عايزه افشل..

مش عايزه اقع ف الاخطاء ايلي ناس كتير بتقع فيها

ومنهم بيتنا..

عايزه امشي حياتي بأسلوب معين ..

طبعا مفيش حاجه بتكون كامله 100% بس علي اقل

احااول..

عايزه اساس حياتي يكون صح.....

مش عارفه ...يا تري ممكن يساعدني ..ولا لا 

انتو ايه رأيكوا؟؟؟؟؟

عم محمد

لما بشوفك بحس الدنيا لسه بخير..
وان اهم حاجه في دنيتنا ..هي اخرتنا..
عم محمد راجل عنده فوق الستين..
عم محمد..ابنه الكبير توفي بالسرطان..
عشان ملقاش يتعالج...
كنت عارفه ان ابنه تعبان وكنت بنحاول 
نساعده علي قد ما نقدر...
ابنه ماااات ومحدش فينا اخد باله..
مع انه بيجي كل يوم....
بس الابتسامه ايلي علي وشه..
والصبر ايلي بيشع منه..
والدعوات ايلي دايما علي لسانه..
تخليك متخدش بالك من همه..
قد ايه هوا راضي بحاله...
معرفناش غير انه مجاش يوم ..
بسأله؟؟
قال كنت ف اربعين ابني...
قد ايه صابر ومتماسك..وراضي بحاله..
انا مشوفتش في حياتي كده..
عم محمد عامل النظافه..
ربنا يديه طولت العمر